榮老總與比散戶更廢 ?

中信泰富榮老總輸係 i kill you later 達到150億，真正贏粒糖輸間廠，枉逗6000萬年薪，牛頭角順嫂都無佢輸甘多，完全唔識止蝕............ 好彩無賣，我都係鍾意誠哥多d ，起碼個人醒少少。

又不得不讚銀行做生意的高明，今次匯豐及法巴對賭先輸頭round 之後技術擊倒中信泰富，証明生意睇長少少，一日未完場唔好甘快下定論，話唔定贏番之前輸個d 啦

金融工具

今次金融地震源於美國樓市影響一堆複雜金融工具既價值，令銀行雞犬不寧，慢慢影響拆借市場，繼而波及實質經濟，依家講下要令東亞銀行輸35億既CDO

CDO 全名Collateralized debt obligation，即有抵押借貸工具。CDO 既抵押品唔同大多數小市民用樓抵押，佢主要以大企業既收入、貸款、企業債券、新興市場債券或其他有價值既東西支持。CDO 有D 似炒飯一樣，將有信譽既抵押品同大多數係垃圾既貸款混合一齊，呢個廚師叫 investment banker 而餐廳就係零售銀行或者投資銀行。

發行CDO 目的主要有兩個。投資銀行高醒幫黃河實業透過企業債券集資只可以賺到1%佣金，佢地撈埋D 三線公司既企業債券再發行CDO 可以賺10%，你估佢地做唔做 ?

另外一個目的係好似AI豬或者破左產既銀行甘，由於有大量企業借貸，佢地需要發行CDO去隱藏實際擁有既天文貸款，美其名係對沖，實際係將D屎收埋佢

所以當D 有問題貸款還唔到錢，問題即刻浮上水面

香港秋季電子產品展

由香港貿易發展局舉辦的香港秋季電子產品展確實不俗，融合全球電子業業界，令到買家賣家容易接洽，對香港作為重要自由港實在重要。

讀左甘多年金融經濟，俾人問究竟有咩意義。想得良久，好似又真係無咩意義.......esp 睇到每次衰退都係源於金融不穩。我想金融業界有其價值，但對人類生活、歷史有咩改善呢，諗唔通~~

內地地產商在2007年積極發行可換股債券，但是隨股價大幅下跌，現價大幅落後換股價，這些可換股債券是允許持有人選擇在到期日以溢價贖回，言則內地地產商需要在今年前大量還債，對現金流少的公司確實有沉重壓力。

談銀行資本充足比率

各國對銀行一級資本充足比率有嚴格監管，確保銀行有足夠資本償還給存款戶。

美國及香港大部份銀行一級資本充足比率都比監管機構規定高，問題係如果經濟繼續惡化，銀行借出街既錢會收唔番，資本充足比率會急趕，由於依家銀行間亙不信任加上拆息高企，銀行根本無辦法解決資本惡化既問題，此所以聯儲局要泵水原因。

由於銀行從貨幣市場借錢困難，有錢賺既銀行一定會減派息，另外可以做既只有集資，呢d 行動只會令股值更低，股價受市場情緒左右，更加慘不忍睹。所以有理由相信大笨象及一批中資銀行股將會大幅下挫，原因明天續。

康德學說

假使我們感覺到一物，例如我們見到一隻杯，它具有如此形狀、顏色等等，這些形相都是杯子呈現於我們面前的「現象」(phenomenon)，除了認知到如此形狀、顏色等等外，我們實在不能認知到那杯子本身(例如，我造夢夢見一隻有如此形狀、顏色的杯子，而杯子並不存在)。當然在現實世界中，我們相信有杯子本身的存在，但這只是我們的相信或信念，我們並不能證明杯子的存在。那杯子本身、自己或杯子在其自己，我們稱為杯子的「物自身」(thing-in-itself)，我們憑著我們的感觸直覺或知性(understanding)，只能認知現象而不能認知物自身。「現象」對於我們有積極意義，因我們對此有直覺(即感觸直覺)，能認知故；「物自身」對於我們只有消極意義，因我們對此並無直覺，不能認知故。現象屬於感觸界(sensible world)，而物自身則屬於智思界(intelligible world)。

對純綷理性的批判，即是確定其適用有效的範圍，康德對純綷理性的批判有兩方面的意義，在思辨理性(speculative reason)(或簡稱知性)面前，現象是客觀實在的，即知性在經驗現象範圍內是有效的，能成就(科學)知識；但物自身郤是一消極的觀念，即知性在物自身的範圍內是無效的，並不能認知物自身。知性既不能建立智思界的形上學。

思考

思考的真義在於反省，回想舊日的行為對與錯，要明白是與非，改善日後的所作所為，尋找人生的意義。

美元價值

美國通過7000億救市方案成功與否現在難估，但肯定對美元有極大影響

從經濟角度看，一個國家的債務最好不應超過GDP 20%，否則財務狀況受到質疑，別國會評估該國的還款能力。

美國如今情況已超過國際公認20%警戒線 : 美國GDP每年大約13.5 萬億，已發行債券大約10.6萬億，佔GDP 80%。如債券票面息率5%計，每年要俾5000億利息。

相信今次7000億救市會利用增加稅收或拍賣美債籌集，利用前者，以現在美國3億人口計，每名美國人要負擔US$2400，但根據美國稅務局，納稅人口其實集中在富裕階級，所以其實7000億救市方案對低下階層影響輕微，反而有能力消費的階層影響較大。

而利用拍賣美債籌集，相信較以前難，因為美債最大買家中國、新興國家和產油國會考慮美元貶值的速度及自己國家的財政能力，照現在情況美國需要負出更多利息才能吸引他們繼續支持，不過無論怎樣，美元長遠價值肯定被削。

窩輪風險

窩輪風險除了本身對正股的引伸波幅外，市場對窩輪的興趣會影響成交，如果無成交，你只會覺得佢好似停牌一樣，升跌都唔變，直到窩輪到期渣都無，所以成交十分重要。呢個就係liquidity risk

另外，發行商倒閉甘就要祝你好運，因為執笠會立即令到窩輪一文不值，又一可以令到渣到無既risk

緊記緊記